Gudloysi

Her er mín vitnisburður. Ein frágreiðing um hvussu eg kom til frelsu – frá kristindómi. Hetta er ein stutt lýsing um hvussu eg varð uppdrigin kristin, livdi eitt hálvgum kristiligt tannáringa-lív og til endans forkastaði eina religión, sum eg meti hevur stolið nógv gleðis-ár frá mínum barndómi. Misskil meg ikki; eg eri glaður fyri tað uppalingina eg havi fingið, og eg havi tikið alt eg havi upplivað til mín og lært av tí. Tað ringa sum tað góða. Hetta eru tær hugleiðingarnar eg havi gjørt mær um hvussu alt hetta hevur formað meg til tann eg eri í dag.
Eg varð føddur trý ár áðrenn mamma og pápi vóru gift. Mamma baptist, pápi kirkjufólk. Eg varð doyptur. Vit búðu í Runavík saman við ommu, abba, langommu og pápabeiggjum. Fyrsta minni eg havi, er at berjast við granna mínum í einum sandkassa uttanfyri teirra hús. Eg vann, haldi eg. Tá eg var umleið fimm ára gamal, hevði pápi bygt eitt hús longri úti á Saltangará. Vit fluttu hartil. Eg var eitt barn sum hevði tað best við at spæla úti og dugdi óluksáliga væl at spæla Amiga og Commodore 64, og dámdi væl at hyggja eftir VHS bondum og lesa bøkur. Tað mesta av hesum gjørdi eg einsamallur. Tað hevði so við sær at eg hugsaði sera, sera nógv. Hetta serliga tá eg var úti í náttúruni, har eg hevði tað best, og ongin kundi órógva mínar tankar. So, man kann siga at eg longu var blivin smáfilosofiskur sum piltur. Eg spurdi nógvar spurningar, sum børn flest gera. Mangir av mínum spurningum snúði seg um hvat ting vóru og hvat goymdi seg aftanfyri eitthvørt. Til dømis spurdi eg oftani mammu mína um hvat var inni í nøkrum “spøkilsishúsum” í Runavík sum høvdu staðið tóm í fleiri ár, ella hvat var undir øllum dekslunum í vegnum/fortovinum ella bara hvat teir løgnu gulu páhengs-vognarnir hjá kommununi vóru. Svarið var sum oftast: Har býr illimaður. Tað er ikki ringt at rokna út, at hetta var bert fyri at verja meg frá at koma til skaða, og ikki fara har sum eg ikki burdi farið. Allarhelst onkuntíð eisini tí at mamma nokk ikki hevur vitað tað veruliga svarið. Man kann gita seg til, at hetta er mátin hennara ættarlið er uppdrigið sum konservativir baptistar í Klaksvík – at merkja tað ókenda sum (meira…)

Mangan undrast fólk yvir útsagnir, sum kristin, og serliga kristnir politikarar koma við, og umvent. Stórsti spurningurin, er tó hvat er grundarlagið? Hvaðani koma hesa vælsignaðu útsagnir? Hvat fyri vitan hava hesi fólk?

Bíblian
er ein bók, sum ikki verður lisið serliga gjølla, av alt ov nógvum fólkum. Um ein skuldi komi til nakra niðurstøðu, útfrá hvussu heimurin sær út, so hava fólk lisið hana sera illa. Nær sóu vit t.d. onkran kristnan finnast at pengagreðingum og húðflongja teir, sum Jesus gjørdi? Gott nokk var tað í templinum, men í okkara vælferðarsamfelag har solidaritetur er høvðussetningur, kann tað saktans brúkast.

Nakrar útsagnir, sum sleppa at vera ónevndar av nógvum kristnum:
”Drekkið tykkum ikki drukkin í víni….” altso ein kann gott drekka, bara ansa eftir.
”Gevið manni við svárum sorgum, sterkan drykk, so hann kann gloyma”
”Verið nøgdur við løn tykkara” Jesus til hermenn.
o.s.fr.

Bíblian inniheldur nógv, og serliga nógvar (meira…)

Eg veit ikki, um tit hava hoyrt tað, men her var herfyri ein internet gøla, um at Egyptaland skuldi smíða eina lóg, sum loyvdi monnum at sova við sínum deyðu konum upp til seks tímar eftir deyðan.

Hetta vakti stóran ans, tí tað sá út sum eitt so sólarklárt dømi um hvussu islamistisku politikararnir, sum hava fingið valdið í Egyptalandi fóru at undirtrykkja kvinnur.

Trupulleikin er bara tann, at tað sær ikki út, sum hetta passar. Eg havi leitað eftir eftirfarandi keldum til pástandin, men tílíkar finnast ikki. Hinvegin eru ein rúgva av bloggum, har høvundanir siga hetta ikki vera satt og vísa til manglandi próvtilfarið. Hesar bloggurnar eru væl at merkja Egyptalandsvinarligar, men tað, at tey siga hetta als ikki passar heldur enn at royna at forsvara lógina (tí tað kemur jú fram, um ein tílík lóg kemur ígjøgnum), fær meg at halda, at tey helst ikki lúgva.

Eftir øllum at døma er tað egyptiska svarið til Glenn Beck, sum hevur íspunnið hesa søgu. Maðurin eitur Tawfik Okasha, og er ífylgi Egyptian Chronicles ein, ið hatar islamistar og stuðlaði Mubarak (ella var í øllum førum ímóti revolutiónini). Vit vita øll, hvussu nógv lort typur sum Glenn Beck (og Daily Mail, sum fær æruna av at spreiða júst hendan slaturin í vesturheiminum) kunnu koma við, so tað undrar meg als ikki, at hesin hevur funnið uppá hetta.

Ikki fyri at lyfta nakran peikifingur, men eg haldi hetta er eitt klárt dømi um hvussu lætt tað kann vera at fella fyri tingum, sum ikki passa. Eg haldi vit kunnu síggja slíkt, og fáa okkara fordómar bekreftaðar. Onkur sær perversitetin í islam, onkur annar kvinnuniðurgerðing. Vit, sum gudloysingar, síggja kanska religión, sum forskrúvar alt. Tí er alneyðugt, at vit eftirkanna keldur og ongantíð lata okkum tøla av lygnum, sum passa til okkara fordómar.

Annars hevur Daily Mail antin broytt ella fjerna upprunaligu greinina, tí nú er bara hendan greinin at síggja.

Hvør er besti gudloysi skemtarin?

Choose wizely

 Loading ...

Jim Jefferies

Lewis Black

Eddie Izzard

Sarah Silverman

Dave Allen

George Carlin

Ricky Gervais

Fyrr í dag útgav Foreldrafelagið eitt tíðindaskriv, har teir í strangum vendingum seta seg ímóti, at LGBT Føroyar skulu sleppa út á føroyskar skúlar, at tosa við næmingar um kynsligan samleika. Teirra grundgeving er sum fylgir:

Vit vilja sum foreldrafelag gera vart við, at tað hevði verið at gjørt seg inn á børnini, um vit loyvdu felagsskapum ella fyritøkum við egnum seráhugamálum, sum til dømis LGBT inn í skúlan við sínum boðskapi.

Tað kann samanberast við at Eik Banki kemur og sigur, at peningur er ein tíðandi partur av lívinum, og at Eik Bandi tí nú skuldi inn á skúlarnar, at undirvísa børnunum um peningaviðurskifti.

Vit vænta av almennu skúlunum at teir tryggja, at skúlagongdin hjá børnunum er í tráð við fólkaskúlalógina, og at teir ikki loyva bólkum við egnum seráhugamálum inn at undirvísa okkara børnum.